អំពីមូលនិធិ ម៉ានី

មូលនិធិ ម៉ានី ជាអង្គការមិនមែនរដ្ឋាភិបាល មិនស្វែងរកប្រាក់ចំណេញ អព្យាក្រឹត្យ និងត្រូវបានចុះបញ្ជីនៅក្រសួងមហាផ្ទៃ ក្នុងឆ្នាំ២០១៩។ មូលនិធិ ម៉ានី ត្រូវបានបង្កើតឡើងដោយគោលបំណងក្នុងការផ្លាស់ប្តូរសង្គម និងសហគមន៍។ យើងមានបេសកកម្មក្នុងការជំរុញសន្តិភាព ភាពរីកចម្រើន និងការអភិវឌ្ឍប្រជាជនតាមរយៈការអប់រំ វប្បធម៌ និងសុខមាលភាព។

មូលនិធិម៉ានីសហការជាមួយមូលនិធិជាតិ និងអន្តរជាតិ ស្ថាប័នរដ្ឋ និងឯកជន អង្គការមិនមែនរដ្ឋាភិបាល និងភាគីពាក់ព័ន្ធផ្សេងៗ ដើម្បីពង្រឹងសមត្ថភាពប្រជាជន និងសហគមន៍ ដោយផ្តល់ឱកាសក្នុងការអភិវឌ្ឍជំនាញ ការដឹកនាំ និងការបង្កើតធនធានមនុស្ស។

កិច្ចសហប្រតិបត្តិការ និងសកម្មភាពរបស់មូលនិធិម៉ានី គឺមានគោលបំណងបំផុសការច្នៃប្រឌិត ការរកដំណោះស្រាយសមស្របដល់បញ្ហាប្រឈម បង្កើតឥទ្ធិពលវិជ្ជមាន និងលើកស្ទួយការអភិវឌ្ឍសេដ្ឋកិច្ច និងសង្គមជាតិក្នុងរយៈពេលវែង។